Ytre Eiane - Røssenibben - Nesvik

Fellestur

Dato
13. september kl. 09:45 - 16:30
Vanskelighetsgrad
Krevende  
Passer spesielt for
Voksne, Fjellsportinteresserte
Turtyper
Fellestur, Fottur, Kupert Terreng, Bratt, Fjordutsikt, Stigning, Ulendterreng
Arrangører
Hjelmeland Turlag, Stavanger Turistforening
Turområde
Ryfylkeheiane (se kart)
Dette arrangementet er over!

Jøsenfjorden ut :  I løpet av to dagar kan du bli med på vandring Jøsenfjorden ut. Du kan bli begge dagane, eller berre ein.

Andre etappe søndag 13.sept : Ytre Eiane - Røssenibben - Nesvik  

Oppmøte Nesvik ferjekai for samordning av bilar kl 09.45 - tilpassa ferje frå Hjelmeland kl 09.30.  Kjøring inn til Ytre Eiane.
Turen startar frå  Ytre Eiane ca kl 10.00

Fruktgarden Ytre Eiane ligg fint og solrikt ved Jøsenfjorden omtrent midtvegs i fjorden, like ved RV13. I tunet møter me Trygve Brandal som bur og driv på Eiane. Brandal er òg historiker og bygdebokforfattar i Hjelmeland. Han fortel om garden Eiane før me startar turen.

Me går opp frå tunet og opp ein bratt skogsveg oppover langsmed Storåsen, før traseen går over i bratt skogsti i høgreist furuskog.
Terrenget stig svært bratt på her, og det er tung stigning opp mot Eiastølen, som ligg ca 400 moh. Det er merka sti opp hit, men bratt/ulendt terreng.

Vidare frå Eiastølen går turen i umerka, litt kronglete terreng: over myrar og tettgrodd skog. Me følgjer "hjortastiar" vestover forbi Lyngstøl. Terrenget stig igjen på, og ein passerar fine myrar og opne furukledde bergpartier, og nokre fine utsiktspunkt ut mot fjorden.  Me svingar bratt opp, kryssar skoggrensa og kjem på snauheia med flott utsikt innover fjorden og Ryfylkeheia.
Me følgjer høgdedraget/snauheia utover til den markante Røssenibben, 716 moh.
Her er det fabelagtig utsikt innover heile Jøsenfjorden og utover mot fjordbassenget i Ombofjorden. 
På Røssenibben har Kulturkontoret Kodejakt-post, og Jøsneset Helselag har fast turpost her .
NB: dersom det er dårlig vær eller andre utfordringar kan me velje å gå forbi Røssenibben utan å "toppe" den.

Turen går vidare nedover og dreiar vestover  langsmed Røssenibbtonå . Her er det flotte utsiktar både innover og utover fjorden, forbi Ytre Røssenibbheia, og nedover mot Bastlid.
På ca høgdekote 300 moh møter ein på skogsveg. Denne følgjer me ca 1,5 km nedover Bastlid-dalen til Bastlid. I Bastlid er me nesten nede ved riksvegen og fjordnivået igjen. Men frå Bastlid stig terrenget på igjen vidare vestover, opp mot ca høgdekote 100, og ein følgjer merka turstiløype utover mot Nesvik i ca 4 km.  Også her er terrenget relativt ulendt, men god sti.

Turen er relativt hard: over 10 km med ein god del høydeskilnad opp og ned + delvis ulendt/kronglete og stadvis bratt terreng utan tydeleg sti.  Turen passer difor for turvandte og folk med relativt god form, og som likar å gå i ulendt terreng.
Vanskeleg å anslå tidsbruk på turen eksakt, men ein må rekne med at heile dagen går.

Ta med godt med mat og drikke. Me passerer eit par bekker; så det kan kanskje vere mulig med litt påfyll undervegs.
Gode sko og gode klær etter værforholda.

NB! Pga koronarestriksjonar har turen avgrensa tal deltakarar + påmelding. Klikk "Meld deg på" til høyre. Turen vil bli tilrettelagt i tråd med gjeldande smittevernreglar. 

NB : dersom det er dårlig værmeling, blir turen avlyst 

Ytre Eiane - Røssenibben - Nesvik

Jøsenfjorden ut :  I løpet av to dagar kan du bli med på vandring Jøsenfjorden ut. Du kan bli begge dagane, eller berre ein. Andre etappe søndag 13.sept : Ytre Eiane - ...

Kontaktinformasjon: